منادات شعريه

اوجرت ذيچ اللي غاطيها الرمـاد
اوگداهـا البيـن واشعـل نارهـا
مثل شرجي ولعب بيها بنص حماد
وخله وسط رويحتـي طشارهـا
اوگدت نيرانهـا وزاد السعـيـر
ولايبخها شما ثگل فيض الدمـع
شگ لظاها وشرر من عدها يطير
وحس دويها بليل هجرك ينسمـع
فارستهـا وردت اهفتهـا بزفيـر
لن لظاها من الزفير اصبح يشـع
محدده ومن گد وكاحتهـا تغيـر
تلعـب وخيتهـا راحـت تنشلـع
مثل اصيله وحست بوكت النفيـر
وتسمع الـدك وتشـوف غبارهـا
گامت ويه حشاي گامت والـوگاد
لهب روحي وماتت ويه اسرارهـا
اوجرت ذيچ اللي غاطيها الرمـاد
اوگداهـا البيـن واشعـل نارهـا