وطن واحـــــــــــــــــــــــــــــــــــد

وطن واحد اجروحه واحنه مختلفين وخلص شريان دمه وانذبح كله
اليهينه احنه ابعضنه بينه مابين وانخبطن علينه العنب والسله
واحد بالعرض واحد يجر بالطول والثاني انسحب والثالث اتخله
ولاجنه ابوطن نشرب بنفس الماي ونفس اجروحنه والخلل والخله
لحد ماطفح بينه الكيل والميزان وانهد علينه البيت والكله
والخادم كبل بجروحه اتسله الف لا ياشعب مو انت هيج اتصير بل لاياهلي يامعدن الدله
نهجر جارنه ومن يمنه حامي الجار وبسابع جار ربك بصوته امنزله
انزل دبج علينه ونستحي انحاجيك وب طبل لو دبج نستحي انكله
هسه انشيل اهلنه اشلون هاي اتصير باجر لو محمد سال شنكله
هاي مدو اديكم ليش مختلفين لان بس الصلح يرهم دوه العله
الصلح شيمة اهلنه واحنه اهل الطيب واحنه اهل المحنه وطيبة الدهله
كبر بينه الجرح والحال غير الحال جرح غير الصلح من يكدر ايشله
انتفاهم بينه وتطيح ضيج وهاي واذا بيناتنه يهل الوطن سهله
خلي بكلوبنه ايصير الصلح موجود حتى الطاح ها اليوم يتعله
وطن محتل يصير الخلل بالتاريخ بس اكلوبونا ميصير محتله
احو ياهلي البيكم انتخيت ها يل السيفكم للموزمه انسله
مو بيناتنه كون لعدونه انصير شده انشد عليه وكونه انسله
مو من بابه تدخل لون غرنه اعليه اذا نتحد من اعيونه اندخله