ذولا اهل البيت يانهر الفرات

ذولا اهل البيت يانهر الفرات جوك عطشانين دكو بوبك
العطش خله حسين يتعنه ويجيك بحر يطلب ماي من حبوك
ماعرك وجهك خجل لمن اجاك جان كل ظنه تسيل جروفك
طاع موسى النيل كبلك يافرات وجان قاسي ويه الحسين اسلوبك
ان جان مايك يغسل ذنوب العباد اشلون تغسل مايك من ذنوبك
لان يمك طاح عطشان الحسين وطاسه صارت لال اميه اجفوفك
يافرات الماي مو قصده الحسين جان يعرف موقفك وصعوبك

يافرات تريد تدخل للجنان شكو اصدك يانهر من حيدره
يافرات اشلون تدخل للجنان ومن يوقعلك بعد على التذكره
يافرات انته لو تخجل صدك جان استحيت وجان عكب حسين مايك ماجره
شربت خيول العده من زلال وعطش عبدالله وشرب من منحره
عطشيت حسين وعيال الرسول وكطعيت جفوف سبع الكنطره
ومن عطش عبدالله يانهر الفرات ناده لك احسين ورخص منحره
يافرات انته لازم تزحف لحد الخيام وصير كلك لابن حيدره مصدره

اشلون تجري ومايك ازرك يافرات ونته مو ذنبك ذنب يفطر سمه
اسابكت بالطف عله حسين السيوف وانته مايك سهم لحسين ارمه
وجان مايك اشد من كل السيوف اثر عله حسين والله المه

رحمك الله يارحيم المالكي ( الشاعر الشهيد )