الشاعر ابو حيدر اللامي

نمشي اهموم ننام اهموم نفز اهموم ندك باب النود انشوفه مسدود
طبعنه احنه نسامح مانعرف الغيظ نحطه احنه ابكلبنه الجاي مطرود
عراقي انته المحنه وانته ابو الطيب ومن يوم العرفتك صاحب الجود
اهم من روحي اهمن بيك يعراق واهم من ام لبنه العاش مفكود
اوصفلك محبتي اشلون متريد من باب الحديد الحي الفهود
عشكتك مااكولن ليش عشكيت واحبنك محبه وماله احدود
اشكثر بعديت عنك ماكدرت انساك ياطيبة اهلنه واخر العنكود
جزعت الصبر مايوم جزعيت يلجرحك جبير ودوم مسرود
جاشنهي الجنيته اشبيك يعراق سواجي امنلدموع انحفرت اخدود
انه ابن العراق العايش اهموم جيف انحب وطنه انزعت اجلود
حمل ظيم العراق وتعبت الاه تريد اتشوف ذنيجه المقابر حاظره اشهود
تعودنه الحزن مامش فرح ليش جايمته الفرح لعراقنه يعود
خلانه الوكت ناعور يا حيف ندور ابهلفلك ونعاود اردود
جاشنهي شجاك وراضي بلصار ترض انته العزيز اليوم مكيود
جاشنهي شجاك وراضي بلصار تشوف انته حلالك صار فرهود
وحك مي الفرات وتربت احسين وحك لوعت يتيم العاش مظهود
اظل اطوي الحزن بظلوعي ماكول ولا اخلي الشماته اتكول مكرود
allami1959@yahoo.com
الشاعر ابو حيدر اللامي